İranın BMT-dəki nümayəndəliyi ABŞ və İngiltərənin Yəmənə qarşı hərbi təcavüzünü pisləyib

İRNA-nın məlumatına görə, İran İslam Respublikasının BMT-dəki nümayəndəsi cümə günü verdiyi açıqlamada əlavə edib: “İran ABŞ və İngiltərənin Yəmənə qarşı hərbi təcavüzünü pisləyir. Bu əsassız müharibə Yəmənin suverenliyini, beynəlxalq qanunları, BMT Nizamnaməsini və Təhlükəsizlik Şurasının qətnamələrini pozur, regionun sülh və təhlükəsizliyini təhdid edir.”

İranın BMT-dəki nümayəndəliyi bildirib: “Amerika və İngiltərə qanunsuz hərəkətlərinə beynəlxalq hüquq və ya BMT Təhlükəsizlik Şurasının 2722 saylı qətnaməsi icazə vermir. Onların Rusiyanın qətnaməyə düzəlişlərinə qarşı çıxması əvvəlcədən planlaşdırılmış qərardan və bu təcavüzü törətmək niyyətindən xəbər verir.”

ABŞ və İngiltərə 8 ölkə ilə birlikdə 2024-cü il yanvarın 11-i cümə axşamı gecə vaxtı Yəmən Ənsarullah Hərəkatının mövqelərinə hücum edib.
10 yanvar 2024-cü ildə BMT Təhlükəsizlik Şurası ABŞ və Yaponiyanın Qırmızı dənizdəki hücumlarla bağlı Yəmən Ənsarullah Hərəkatına qarşı təklif etdiyi 2722 saylı qətnaməni bu hücumların əsas səbəbi və Vaşinqtonun Qəzzanı bombalamaqda İsrail rejiminə dəstəyinə heç bir işarə etmədən təsdiqləyib.